關閉
城市大學「諸覺亮之旅」參加者之感言
2018
 
Frankie
 
Frennie
 
Jasmine
 
Kin
 
Natalie
 
Pakhin
 
Queenie
 
Sam
 
知足常樂

Jasmine Tong, Year 4

參加呢一次嘅Nepal trip帶比我好多好難忘嘅回憶。最初其實都冇考慮太多就決定參加,因為我覺得係一個好難得嘅機會,畢業之後好難再有機會同時間去參加。而且聽briefing嘅時候都幾認同呢個trip嘅理念,例如注重個人成長,自幫而非幫人等等。

最難忘係住喺village嗰四日,本身諗住冇水冇電冇wifi會好辛苦,但其實都唔係,反而放低電話先令到我哋有多d時間留意嗰到嘅一事一物,亦都令我反思好多我哋覺得係基本嘅野其實對好多人嚟講係奢侈品,例如用熱水沖涼,電視,電話等等。喺village嗰到環境好優美,空氣又清新,喺嗰到嘅人好純樸,無論大人定小朋友都係。仲有第一次夜晚喺戶外坐喺水龍頭隔離望住佈滿繁星嘅天空刷牙,感覺好放鬆。

相信好多人同我一樣,一聽到尼泊爾就會聯想到好窮好落後啲小朋友乜都冇嘅畫面。但其實佢地一啲都唔慘,就算佢地擁有嘅唔多但我相信佢地都比大部分所謂嘅城市人快樂得多,因為佢地識得知足,知足常樂。反而係我地需要反思下點解我地擁有更多嘅物質但唔快樂。

一開始都有擔心言語不通會好難喺嗰間學校到教書,仲要係教nursery程度嘅小朋友,但原來佢地都識少少英文,教到佢地識加減數都已經好有滿足感!仲有construction, 大家分工合作其實都唔係好辛苦,意外收穫係喺尼泊爾人到學識快捷拆釘嘅skills! 另外Farming要拔雜草,蹲喺塊田到兩個鐘其實隻腳都幾痺,不過拔走曬啲雜草見到塊田乾淨曬好有成功感。仲有喺Pokhara果到嘅fund raising 活動,因為大家嘅努力,籌到錢比孤兒院大家都好開心。

希望下年會繼續有多啲人參加呢個service trip!雖然短短幾日我哋所做嘅嘢未必稱得上幫到有需要嘅人,但絕對令自己見識同體驗更加多!